famalaoan

Nihi ta akudi mannana gi UOG

Gi November 2013, i Liheslaturan Guahan manma’tinas i Nana yan Påtgon Act. Ilek-ñiha na siña i mannanan Guahan ha na’susu i famagu’on-ñiha gi todu i lugat giya Guåhan. Yan tåya’ siña muna’para siha.

Gof importante i ideha-ña i lai. Ilek-ñiha Senådot Dennis Rodriguez yan Senådot Aline Yamashita:

I Liheslatura also finds that in 2011, Surgeon General of the United States Regina M. Benjamin, MD, MBA, released the “Call to Action to Support Breastfeeding” citing health benefits and outlining steps to be taken to remove obstacles that women face when wanting to breastfeed their children. [ . . . ] Dr. Benjamin’s “Call to Action” identified ways that families, communities, employers and health care professionals can improve breastfeeding rates and increase support for breastfeeding. Recommendations included [ . . . ] employers working toward establishing paid maternity leave and high-quality lactation support programs; employers expanding the use of programs that allow nursing mothers to have their babies close by so they can feed them during the day [ . . . ]

The purpose and policy of this Chapter is to ensure that women have a right to breastfeed children or express breast milk in a safe and clean environment or private designated area without the fear of social constraints, discrimination, embarrassment, or even prosecution. [ . . . ]

“Notwithstanding any other provision of the law, a woman may breastfeed a baby or express breast milk in any location, public or private, except the private home or residence of another, where the woman is otherwise authorized to be.”

Lao, i Unibetsedåt Guåhan (UOG) buente ti ya-ña håfa ilek-ña i lai. Ti ma o’osge i Act. Gi UOG, i famalao’an ti siña ma na’susu i famagu’on-ñiha.

Gi 10 November 2014 (un sakkan despues di mapass i Nana yan Påtgon Act!), hu na’i un “email” para Siñora Victorina Renacia, i abogao gi UOG. Siñora Renacia ha tugi’i yu’, “A mother may not breastfeed in class because it distracts from the fundamental nature of the educational process.” Sahnge yan tai’åse’ i fino’-ña. Hu na’i Siñora Renacia mas na “email siha” gi November yan December 2014, lao ti manoppe’ gui’ trabiha.

Sa’ håfa i famalao’an ti siña ma na’susu i nenin-ñiha siha gi UOG? Si Siñora Renacia ti ha na’klalaru este. Kao sina kontra i lai hafa masusesedi gi UOG?

Gi i 2014 Dinanña na Famalao’an na Kandidatu Siha gi UOG, Siñora Hope Cristobal ha sangani i manmatto – kasi dos sientos na estudiante siha yan otro na taotao – “The only way I got through college as a single mother was because I was able to bring my baby and breastfeed in class in this very lecture hall.”

Debi di i nanan Guåhan siha u na’brabu i famagu’on-ñiha. Ya anggen manamalgo’ umeskuela lokkue’, debi di ta ayuda siha.

Debi di ta na’matanga yan akudi i manhoben na famalao’an yan nana siha. Maolekna ti ta pattang i ineyak-ñiha!

Fa’fa’nague yu’ gi UOG. Doktot yu’ gi lepblo/tininge’ yan inestudian famalao’an; profesot yu’ gi Division of English and Applied Linguistics yan i Women and Gender Studies Program. Malago’ yu’ na i nana siha u fanhano’ gi UOG yan manestudia. Maolekña na manhano’ gi klas kinu manasaga’ gi gima’ yan ni ngai’an u adilanto i tiningo’-ñiha.

Gi ma’pos na semana, un estudiante ha sangani yu’, “I chelu-hu ti siña matto gi klas sa’ nana gui’ yan ti siña ha chotge i påtgon-ña ginen i susu-ña gi klassen UOG.”

Gof ti ya-hu este na areklon UOG sa’ ha na’puti i estudiante siha. Debedi UOG ha sedi i famalao’an muna’susu i famagu’on-ñiha gi klasen UOG siha.

Gi 2009, Doktot Helen Thompson yan Doktot Andrea Hartig yan Siñora Diane Thurber ma fa’tinas tininge’, “Designing a Woman-Friendly Workplace: A Prognosis and Prescription for Institutional Health at the University of Guam.” Ilek-ñiha tres na siha:

“Two of our researchers are parents with young children and have on more than one occasion out of necessity brought their children to class without fear of censure. However, the persistence of children on campus and the administration’s willingness to allow faculty and student to bring their children to work is not a formal policy, perhaps because in Guam such a policy appears to be stating the obvious. However, this research team believes that UOG can build upon this strength by formalizing the practice and developing it into a more sustained family policy, including making childcare provisions a standard component when organizing events outside regular school and daycare hours.”

Lao i ma’gas na i College of Liberal Arts and Social Sciences (CLASS) gi UOG, Dean James Sellmann, ha na’i yu’ yan i otro na profesot siha gi CLASS un “email” gi 2013 yan ilek-ña i ma’gas-måmi, “Ti sina makonne’ para UOG i famagu’on-miyu gi duranten i oran cho’cho’.” Sigun i Dean, este na areklamento ginen i kontratan-måmi yan i Board of Regents.

Para guahu, taimamåhlao este na areklamento siha. Para guahu, este siha kontra i espiritun UOG. Ti ma sapopotte i estudiante-ta, ko’lo’lo’na i meggai na gaipåtgon na profestot-ta yan estudiante-ta.

Komon gaipåtgon yu’, bai hu na’gimen i påtgon-hu ginen i susu-hu. I nana-hu ha na’dangkolu i lalima (singko) na famagu’on-na yan ginen i susu-ña. Guaha gi entre i famalao’an na profesora siha gi UOG, manchathinanasso put este. Ti manamalago’ gumaipåtgon pa’go, sa’ gof mappot para u mapoksai anggen ti sina ma konne’ siha magi para UOG. Tai’åse’ este na areklo siha gi UOG.

Ti ya-hu este na estao. Na’i i mannana ni’ iyo-ñiha! Ti baba i tahtaotao taotao. Ti baba i pineksai famagu’on. Ti chatpago i famalao’an yan i famagu’on. Ti kalakas i kesnuda na susu. Gefpago este na koneksion.

Saina ma’åse’ para Senådot Dennis Rodriguez yan Senådot Aline Yamashita para fuma’timas i Nana yan Påtgon Act.

Nihi ta tulaika este na areklo gi UOG. Nihi ta ayuda i mannanan Guåhan!

si Isa Kelley Bowman

Advertisements

One thought on “Nihi ta akudi mannana gi UOG

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s