nerd

Taimanu masangan Nerd gi Fino’ Chamoru?

Hu fa’tinas este na mubi para Ha’anen Fino’ Chamoru Ha’ gi ma’pos na mes.

Meggai sumasangan na kumekematai este i lenguahin Chamoru. Anggen ta atan i inestudia yan inaligao siha, hunggan annok na dinanche este. Gi entre i manhoben didididide’ ha mamafifino’ pa’go. Ya para kada na gurupun taotao, i manhoben i hale’ i lenguahi. Achokka’ meggaiggai na manamko’ mamfifino’ ti nahong este, sa’ i manhoben i dipotsi kumakatga mo’na i hila’.

Fihu mafaisen yu’, “taimanu na sina ta na’la’la’ i lenguahi gi i lahoben na henerasion siha?” Anggen ta ekstende i kada diaha na uson i lenguahi-ta guatu para hafa yan-niha i manhoben.

Sesso i manamko’ ti yan-niha este. Anggen ta usa i lenguahi para nuebu na kosas pat ideha, debi di ta fama’tinas nuebu na palabra siha pat sinangan. Ti mampayon siha nu este ya humuyongna ti yan-niha.

Lao este na tinilaika siha mismo naturat para todu lenguahi siha. Anggen ti ta tulaika i lenguahi para u na’fanhalom nuebu na kosas pat ideha, sina pinino’ i lenguahi. Atan i kumunidat-ta pa’go. La’la’la’ ha’ Fino’ Ingles, matulailaika todu tiempo ya nina’dadangkolu ni todu i nuebu na hinasso yan hinalom. Lao kalang chenglong i Fino’ Chamoru gi i antes na tiempo yan i kustumbren antigu.

Gi este na mubi, hu fa’nu’nu’i i sinangan siha na in i’isa (hami yan i famagu’on-hu) para diferentes na gof matungo’ pat popular a cultural media forms ni’ kalang nerdy pa’go na tiempo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s