fino' chamoru

Si Santa Maria Kamalen

For this month’s Fino’ Chamoru challenge, I’ll be posting things on Mumun Linahyan to help those who are looking for materials to practice reading in the Chamorro language. The Chamorro language is primarily an oral and spoken tongue, but that doesn’t mean Chamorros haven’t written it down. There are a wide variety of random texts in Chamorro that are floating around the internet. Today I want to share with you an essay written by Archbishop Anthony Sablan Apuron of Guam, about the place of Santa Maria Kamalen in Chamorro history and culture. It was originally published in the magazine Latte many years ago.

***********************

Si Santa Marian Kamalen

Patrona-ña Guam yan Islas Marianas

Tininge’ Atsobispo Anthony Sablan Apuron, Atsobispon Hagatna

I matuna na butto ni’ gaige gi talulo’ gi halom i Katridåt Basilikan Hagatna giya Guam, guiya si Santa Marian Kamalen, patronan Guam yan i Islas Marianas. I idåt-ña yan i ginen månu magi este na butto ti ma tutungo’ asta på’go; lao bula estoria masåsangan put este. Guiya este i mas åmko’ na kosas rilihon gi gima’Yu’os Guam ni’ såfo’ ginen todu klåsen ira: gera, guåfi, påkyo, linao kontdou sinakke. Durånten i Mina’dos Gera manå’na’ yan ma gef guatdiha i butto ni mandebotu.

Sigun i dukumento siha, este na butto ma ritoka, me penta meggai biahi. Ma ritoka tres biahi giya Filipinas gi entalo’ i 1894 yan 1930 na såkkan. Si Pale’ Marcian pumenta gi 1963, 1968 yan 1971. Si Mark Dell’isola rumitoka gi 1983 yan gi 1992, guiya muna’na’lo tåtte gi urihinåt na makulot-ña i butto: ri’at na asut gi hilo’ kulot di rosa yan ma adotna ni’ oru yan plåta. Ha sodda’ este na kulot-ña annai ha pasiensåyi lumåssas i pentura yan pinatche siha ni’ kada biahi ha balutan i fumo’naigue na pininenta ya måtto gi mas yahalulom gi fi’on i hayu propiu, kåsi tres sientos años na pinent yan rinitoka. I kulot-ña på’go si Santa Maria Kamalen guiya i urihinåt na kulot-ña annai på’go måtto mågi gi islan Guam.

Unu gi mås fåmta na estoria ayu i masodda’-ña mama’ya hålom Guam giya Malesso’. Sa’ put “molava” i hayu-ña ni’ ti siña ma’ya’, kulan milagro este mismo. Otro na estoria masåsangan ayu i peskadot ni’ tumalålaya ya ha li’e’ dos na malak kåndet gi tasi ya hinasso-ña na ha mamåtka i ginaigen i panglao, ha dåggao i talayå-ña ya ha tåmpe i butto. Todu estoria sumångan na ma chule’ i butto ginen i tasi giya Malesso’ ya ma entrega guatu as påle’ ni’ umentrega guatu gi Maga’låhen Españot, maseha tåya’ dukumento para u preba este, i fecha anai masusedi ni’ mana’in i Katredat despues ginen i Maga’låhi…

I estoria siha ti siña ha nå’i hit fecha eksakto annai masodda’ i imahen: lao gof siguru na masusedi este gi mås tåftaf na ha’ånen mangilisyånu gi isla, sa’ i manåmko’ siha ma gof hasso siha manmasangani ni’ estoria ginen i mangguelon/guellan-niha ni’ numa’i siha ginen i manmañainan-ñiha.

Siña ha’ lokkue’ måtto este na nå’an ginen Filipinas sa’ put guaha giya Filipinas lugåt “Camarines” (Notte yan Sampapa’) giya Luzon. Siña ha’ i butto ma’ågang “Siñora di Camarin” put ennao na rason.

Gi fino’ Españot i palabra “Kamalen” ma u’usa para un dikike’ na kuåtto gi un båndan i sakrestiha, annai manmapopo’lo i butto yan attikulon para i misa pat dibusion. Lao ti ma usa este para u riferi para i imahen Guam.

Maseha ginen månu magi, i imahi hagas ha’ gi isla, gi Katidrat-Basilika ya ma o’onra ni’ manaotao Guam komo i imahan Imakulåda na Bithen. Ma kakatga gi karosa durånten i likao para i Gipot Imakulåda Konsepsion, ni’ ma silebra kada diha ocho Disembre komo Ha’ånen Opblegasion yan komo un ligåt na ha’ånen libetta giya Guahan.

Put este siha na rason na ma gof respeta yan mannå’i onra este na button Santa Marian Kamalen sa’ hagas ha’ ma identifika komo guiya patronin i manaotao tåno’, i Mañamorro gi este na påtten tano’. Si Bi’atu Diego Luis de San Vitores, Jesuita, umago i na’an este na islas ya ha dedika guatu gi as “Mariana,” I Rainan Españot ni’ fumabaresi i manmisioneru ni’ ayudu-ña matiriat siha. Lokkue’, i na’ån “Marianas” na’an dos palao’an ni’ gof empottånte gi lina’a’Bi’atu Diego, era Si Sånta Maria yan i nanå-ña Si Sånta Ana. Ohalara mohon ya tody i manaotao este na islas siha u ma kontenuha i tradision para u ma onra i sen bunita na palao’an ni’ fumañågu i Satbadot i tano’, este na palao’an ni’ ma a’ågang Santa Marian Kamalen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s