estoria / fino' chamoru

Hagåtña

For those who want to read about the historical, political and cultural significance of Guam’s capital village, Hagåtña. I prepared these vignettes for the I Ma’adahen Fino’ Chamorro gi Koleho project under the guidance of Dr. Faye Untalan. I wrote up short descriptions of areas in Saipan, Hagåtña, Tinian and Southern Guam. It was a fun exercise, coming up with tidbits of information in Chamorro. I modeled some of the vignettes after the informational signs that the Department of Parks and Recreation has set up at different historically important locations. People often times don’t even notice these signs, but if you piece them together, you can read from one end of the island to the other, a skeletal history of Guam gi Fino’ Chamorro.

*********************

Guahan i mas dångkolo na isla gi islas Marianas. Hagåtña i kapitåt na siuda. Gaige meggai na ofisinan gobietno giya Hagåtña. Gaige lokkue i gima i Gobietno yan i lehisleturan Guahan.

I Plasa de España mahåtsa disdi i tiempon Españot; mangaige guihi i kosas yan estorian i manmasusedi gi duranten i tiempon Españot. Gaige i Plåsa gi fiʹon i gimaʹyuʹos Dulce de Maria Cathedral-Basilica. Dångkolo este na gumaʹyuʹos ya ma selelebra i gipot Santa Marian Kamalin gi dia ocho gi Disembre guini. Dångkolo este na selebrasion giya Guahan. I hinenggen Katoliko gi tiempon Españot ha gof tulaika i hinengge yan kuttura gi entre i Chamorro siha. Mas di kuattro sientos años i Españot ha okupa i Islas Marianas. Meggai na tradision yan kustombre gi Chamorro påʹgo ginen este na historia.

Guaha siha latte manmahåtsa giya Hagåtna kuentan plåsa ni mafaʹnaʹan Latte Stone Park. I latte ha represesenta i antigu na kutturan Chamorro. I acho latte kuentan haligen guma gi antigu na guma Chamorro. Matulaika i naʹan este na plåsa gi dos mit singko (2005) na såkkan ya mafaʹnaʹan påʹgo, Senator Angel Leon Guerrero Santos Memorial Park. Machoʹgue este para uma onra i bidå-ña siha para u abånsa i direchon i ManChamorro gi tanoʹ-niha. Guiya lokkue munaʹ maestabblisa i Komission para i Chamorro Land Trust na lai.

I otro na lugat giya Hagåtña ni sesso mafatoigue ni ManChamorro yan ayu siha i manmanbisisita giya Guahan, I Sengsong Chamorro, pat Chamorro Village; maåʹagang lokkue i Sagan Dinaña, the Gathering Place. Ma håtsa este na fasilidåt ginen i inapreban Siñot Magaʹlåhi as Joseph Ada yan i Liheslaturan Guahan gi mit nuebe siento ochenta (1980). I tutuhon-ña para metkao para i manlanchero siha. Lao påʹgo sagan kosas kutturan Guahan yan minagof Chamorro. Kada Metkoles, guaha “Puengen Metkao”. Differentes na klasen nengkanno manmabebende; guaha lokkue dåndan yan baila para todo i taotao ni manmåfatto. Este na siña un liʹe yan un eksperensia i kotturan Chamorro pågo’..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s