decolonization / fino' chamoru

Hasso Decolonization

Gi i kinalamten para decolonization giya Guahan gi entre i Chamorro, meggai na akakuedi. Meggai guini yan meggai gi sanlagu. Meggai dimasiao siña hu tuge’ put i atkakuedi siha put i gobetnamenton Amerikanu, i Federales, ya siempre ya malago’ sumotta hit pat munå’i hit ni’ direcho-ta komo taotao. Lao, i mas hihot yan mas na’ma’ase na prublema guini giya Guahan, gi entre i taotao-ta. Manmahuchom i hinasson-ñiha put este na asunto, ko’lo’lo’ña sa’ ti nahong i tiningo’-ñiha put i siña na chalån-ta mo’na.

I meggaiña na taotao giya (Chamorro yan kontodu ti Chamorro) ti ma hassussuyi decolonization pat independensia sa’ manma’å’ñao nu håfa siña masusedi anggen taigue hit gi colonial na kannai-ña i Estados Unidos. Sigun este na hinasso gof fitme yan gof såfo’ i estao på’go komo unincorporated territory, ya este na estao sumasatba hit ginen todu i mambåba yan i manmachalapon gi mundo. Kontat ki ta anggonggokko i Amerikånu siha ya ta aksepta na siha i ma’gas i tano’-ta yan i destinu-ta, manliheng hit todu.

Ti magåhet este na hinasso. Gi estao på’go didide’ na direcho pat podet gi kannai-ta siha.

Bei nå’i hamyo ni’ hemplo para este. Para hamyo ni’ esta manmaleffa, gi i tinituhun i War on Terror, annai ma arresta i fine’nina na “enemy combatants” siha, mamå’tinas i Pentagon “list.” Gi este na lista ma pega todu i lugåt ni’ siña inos para u pinengle siha. Ma pega gi esta na lista, lao ti ma ayek, i na’ån i bunita na islå-ta, Guahån.

Ai, guaha nai ti hu hongge i binachet i taotao Guahån. Atan i kustumbren i Amerikånu siha yan i militat-ñiha! Ma chule’ magi i geran-ñiha gi i Tiempon Chapoñes, ya ma kechule’ magi ta’lo i geran-ñiha gi este na “War on Terror.” Ya ai adai ta’lo, ti Hita la’mon. Ti Hita la’mon.

Todu tiempo, hu faifaisen maisa yu’ este. “Ngai’an nai para ta atotga tumulaika este na estao-ta?”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s