Uncategorized

savior complexes

 

Håfa kumeke ilek-ña, “mumun linahyan”?  Esta ma kuentusi siha African-American na famalao’an gi gazetan internetos ColorLines.com i famalao’an gi i amko’ na Åttelong na Pantera na inetnon.  Meggai na manåttelong na famalao’an ma ayuda i taotao-ñiha gi Sanlågu para i Åttelong na Pantera na inetnon.

Kalang goldfish hit yan kalang un barracuda si Donald Trump, ilek-ña Señora Judy Juanita.  Ha na’fakmata hit.

Ha faisen ham si Kiilu Nyasha, kao in hasso este i palabran si George Jackson: i mampulitiku, todu i tiempo, ma cho’guiyi i manma’gas na industria, i gefsaga na taotao siha.  Yan ti maolek este para i otro na taotao siha, para hami.  Ke, maolek este para hami anai gof tailåyi i manma’gas-måmi.

Yanggen mas hoben yu’, pine’lo-ku na maolek i ma’gas Amerikanu.  Atanon si Barack Obama, yan i familia-ña lokkue’.  Lao gof ya-ña i militat Amerikanu.  Ma bomba meggai na taotao siha, meggai na famalao’an yan famagu’on lokkue’.  Gof ya-ña Chalan Liga si Hillary Clinton.  Todu i tiempo, båba i ma’gas Amerikanu para famalao’an, para åttelong na taotao, yan para i Mampasifiku lokkue’, para i taotao Guahan.

Gof chatpa’go si Donald Trump kalang un ma’apson na kahet.  Mampos kruet na taotao.  Ke, maolek este para hami sa’ espisifiku i kruetdat-ña si Don Don.  Ti mapulakes ham.  Tåya’ åpoka’ na sasåtba siha, yan tåya na kulot kahet lokkue’.

Gi i mubi Shiro’s Head, guaha un atanon na åpoka’ na taotao, i na’an-ña si Noah.

Hu faisen i Mañe’lu Muña, sa’ håfa’ sasåtba gui’ i åpoka’ na taotao, si Noah?  Sa’ håfa’ guahlo’ si Jake, yan si Vince lokkue’, i mañe’lu Chamoru, gi mumun-ñiha?

Ilek-ñiha i Mañe’lu Muña, taotao sanhiyong si Noah, lao sumasaga gui’ giya Guahan, yan ma aksepta gui’ si Jake yan si Vince yan si Angel yan si Alena, gi manggafå-ñiha, un manggåfan Chamoru (familian Minaguem).  Kalang pårientes gui’.  Ilek-ñiha i Mañe’lu, guaha taotao siha kalang Noah gi todu i sengsong Guahan.

Ilek-ñiha i Mañe’lu, “gi haga’, Chamorro hit, Peredo, Atoigue, San Agustin, Muña.”  Lao ma poksai siha gi Sanlågu yan ti ma fa’na’gue siha i Fino’ Chamoru.  Ke, guaha mumun-ñiha, lao maolek ha’ lokkue’.  Kalang i regulat na familian Chamoru i familia gi mubi, ilek-ñiha.  Guaha meggai na mañe’lu: un palao’an, un “chod” na che’lu, guaha un åpoka’ na taotao, yan un ma’gas na che’lu.

Ilek-ñiha i Mañe’lu lokkue, i estoria gi mubi, kalang un ehemplo ginen i Sigundo na Geran Mundo giya Guahan.

Gi ayu na gera, i åpoka’ na taotao Amerikanu, i manmilitat, ma destrosa i militat Chapones giya este na tåno’.  Ke, guaha si Noah gi mubi kalang un sindalun Amerikanu.

Lao guaha lokkue’ si Alena yan si Vince yan si Jake, sa’ gof matatnga i taotao Chamoru gi gera lokkue’, si Agueda I. Johnson, Pale’ Duenas, yan meggai otro.  Esta hu ayuda Dåktot Miget yan Señot Jose M. Torres gi lepblon-ñiha, un lepblon gera, Massacre at Åtate, ke’ hu tungo’ ayu, i Mañamoru, ma pulan i taotao Guahan gi gera.  Ma puno’ Chapones i taotao Malesso’ gi lina’lå-ña Señot Torres.

Gof ya-hu i mubin-ñiha i Mañe’lu Muña.  Yanggen malago’ hao, siña umegga’ gui’ gi Vimeo: <https://vimeo.com/ondemand/shiroshead&gt;.  Yan gaige gui’ gi YouTube lokkue’: <https://www.youtube.com/watch?v=Oamllh_fPqE&gt;

 

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s