decolonization

“I Tonadan Guahan”

 

Sumasaga gui’ gi gima’-hu un ga’lågitu, si Laolao, put si Lalanghita, un gof kinute na neni na hilet oro na chaochaolao.  (Ahe’, ti sumasaga gui’ giya Saipan, gi Lao Lao Bay!)

Put fabot, asi’i yu’, yanggen ti gof maolek yu’ gi Fino’ CHamoru.  Mahgef yu’ todu i tiempo, sa’ gof dikike’ si Laolao, yan gof kamten lokkue’.  Esta hu gimen bula kafe.  Esta hu kanno’ meggai na diferentes na klasen fina’mames lokkue’.

Hu puno’ meggai na garapates siha lokkue’ sa’ gof yan-ñiha chumopchop i haga’-ña si Laolao kalang mandikike’ na mamvampire siha, kalang mandikike’ na manggai’estreyas.  Hu gof chatli’e’ garapates.  Mambåba i mandidinak.  Hu puno’ siha kon Frontline na klasen hunto.

Manyaoyaoyao gi gima’-ta, lao, siempre, gof mångge’ si Laolao lokkue’.  Gof mames gui’ si Lalanghita.

Gof yayas yu’.  Maigo’ yu’, chumocho’ yu’, yan todu i tiempo hu mumu garapates: este i lina’lå-hu på’go.

Guaha un CHamoru na meme gi HåfaApp på’go.  Ma diskuti i diferentes na klasen tonada siha gi diferentes na isla siha guini.  Ma insutta i tonadan Guahan: ma usa Fino’ Ingles yan tonadan chod para hita.

Tailayi ayu, lao hu kekekonsidera i lenguahhin CHamoru guini, giya Guahan.  Ti CHamoru yu’, yan ti gof maolek yu’ gi Fino’ CHamoru, lao malago’ yu’ umeyak yan sumopoti i lengguahin CHamoru.  Ma guaiya i lengguahi i estudiante-ku siha, yan i mangga’chong-hu siha gi klas-hu CHamoru.  Nihi-ta tutuhon umapåtte, umayuda.

Gi Lunes yan gi Mattes, hu hosme i Inacha’igen Fino’ CHamoru gi UOG.  Ma usa Fino’ CHamoru meggaigai na estudiante siha, giya Guahan, yan giya i otro na islan CHamoru lokkue’.  Gof ya-hu umekungok i famagu’on CHamoru.  Gof maolek siha.

Håfa i tonadan Guahan?

Hunggan, ma usa Fino’ Ingles meggai na taotao Guahan — sa’ ma huppa siha i Gobietnon Amerikanu. Ti mankontento i manapbladot.  Hu tungo’ este. Ma aminasa i minagof-ta i mandidinak.  Håyi mandidinak? Ma usa i Tano’ CHamoru i militat Amerikanu yan ma dugueryi hit.  Ma sakke i direcho-ta.

Håfa i tonadan Guahan?

Gi Betnes, guaha hunta gi Liheslaturan Guahan para i dos na risulasion-ña siha Senadora Terlaje.  Malago’ gui’ kumontra i Dipattmenton Hustitian Estados Unidos yan i Fanhusgayan Destriton Guahan lokkue’ sa’ ti ma respetu i taotao tåno’.

Ma supoti gui’ Nasion CHamoru, yan Inetnon Lalahen Guahan, yan Siñora Hope Cristobal, yan Dåktat Bevacqua, yan Presidente Underwood, yan meggai otro na taotao gi isla-ta: yan guahu lokkue’.  Hu tuge’ un katta.  Ti ma supoti gui’ otro na taotao siha, Senadot San Nicolas, Senadora Torres, yan otro siha lokkue’.  Laña dei???

Håfa i bos-ña i islå-ta?  Manyaoyaoyao gi fanhusgayan-ta, yan gi liheslaturå-ta lokkue’.  Kao guaha unu na tonadan Guahan?

Ti humosme i huntan liheslatura yu’.  Gof yayas yu’ gi Betnes sa’ gof kamten si Laolao (i estoriå-ña i lina’lå-hu på’go).  Lao esta hu ekungok i hunta gi HaguTube.  Gof ya-hu i matatnga na testimoniu-ñiha siha Saina Ophing Jackson ginen Nasion CHamoru, yan si Jamella Santos, yan Siñora Hope Cristobal, yan meggaigai otro na taotoa siha.

An malago’ hamyo umespiha i “tonadan Guahan,” ekungok Saina Ophing.

“Ya anae munjayan manmanaetae, y lugat anae mandadaña mayengyong; ya todos manbula ni y Espiritu Santo, ya manmatatnga jasangan y sinangan Yuus.”

Håfa i minatatngan Guahan?  Ekungok mañaina.

Tumatanges yu’, sa’ gof impottante i mañaina.  In gof nisisita i inayudan-ñiha.  Hu gof nisisita ayu.

“Ya y semiyaña manmatatnga gui jilo y tano: ya y generasion manunas ufandichoso.”

Buenta ma’å’ñao Siñot Davis, lao, ti nisisita.  Estague un generasion manunas.  Estague Tåno’ CHamoru.  Respeta i saina.  Respeta i tano’.  Respeta i taotao tåno’.  Yan maolek ha’.

Tanto guiya.

Advertisements

2 thoughts on ““I Tonadan Guahan”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s